Grunnskóli Reyðarfjarðar óskar eftir að ráða kennara til kennslu eftirtalinna námsgreina fyrir skólaárið 2026-2027: umsjón á yngsta-, mið- og unglingastigi, dönsku, náttúrugreinar, samfélagsfræði, stærðfræði, íþróttir með áherslu á sundkennslu, sérkennslu og ÍSAT kennslu. Einnig er leitað að kennurum til að kenna list- og verkgreinar: textílmennt, hreyfingu og leiki, tónmennt, legó og upplýsingatækni.
Í skólanum eru um 200 börn í 1. - 10. bekk. Skólastarf Grunnskóla Reyðarfjarðar hefur það að markmiði að hlúa að nemendum bæði námslega og félagslega og koma til móts við áhuga þeirra og getu. Í skólanum fer fram metnaðarfullt starf sem er í stöðugri þróun. Kennsluhættir eru fjölbreyttir og vellíðan nemenda í fyrirrúmi. Læsi og leiðsagnarnám skipa stóran sess og þjónusta við nemendur með sérþarfir er öflug. Leitað er að kennurum sem eru reiðubúnir til að ganga til liðs við samhentan hóp starfsfólks með samstarf og samvinnu að leiðarljósi.
Nánari upplýsingar um skólann er að finna á heimasíðu, grunnrey.is
Helstu verkefni og ábyrgð:
- Tekur þátt í skólaþróun í samræmi við stefnu skólans og sveitarfélagsins.
- Annast kennslu samkvæmt megin markmiðum Aðalnámskrá grunnskóla með hliðsjón af þörfum og þroska nemenda
- Stuðla að velferð nemenda í samstarfi við foreldra og annað fagfólk.
- Starfar með öðrum kennurum og sérfræðingum skólans og veitir upplýsingar um námsgengi einstakra nemenda.
- Að hafa hagsmuni nemenda að leiðarljósi og sýna hverjum og einum virðingu, áhuga og umhyggju.
Hæfniskröfur:
- Leyfisbréf til kennslu á grunnskólastigi, starfsreynsla er æskileg.
- Góð tök á íslensku máli, töluðu og skrifuðu.
- Samskipta- og samstarfshæfni.
- Frumkvæði og faglegur metnaður.
- Ábyrgð í starfi og stundvísi.
- Skipulagshæfileikar.
- Reiðubúin/n að takast á við nýjungar.
- Íslenskukunnátta á stigi C1
Laun eru samkvæmt kjarasamningum KÍ og Sambands íslenskra sveitarfélaga.
Ráðið er í störfin frá og með 1. ágúst 2026. Umsóknarfrestur er til og með 9. apríl nk.
Umsóknum skal fylgja greinagott yfirlit yfir nám og störf, leyfisbréf til kennslu, ábendingar um meðmælendur sem og almennar upplýsingar um viðkomandi.
Allir einstaklingar, óháð kyni, eru hvattir til að sækja um starfið.
Nánari upplýsingar veita Ásta Ásgeirsdóttir skólastjóri, asta@skolar.fjardabyggd.is og Svava Gerður Magnúsdóttir aðstoðarskólastjóri, svavagm@skolar.fjardabyggd.is, einnig í síma 470-9200.
