Fjarðabyggð auglýsir eftir metnaðarfullum deildarstjóra á fjármála- og greiningarsvið
Fjarðabyggð leitar að öflugum og faglegum deildarstjóra á fjármála- og greiningarsvið til að leiða reikningshald og vinnslu fjárhagsupplýsinga sveitarfélagsins. Deildarstjóri starfar undir stjórn fjármálastjóra og gegnir lykilhlutverki í reikningshaldi, uppgjörum og greiningu rekstrar Fjarðabyggðar og tengdra stofnana.
Helstu verkefni og ábyrgð
- Stýra og bera ábyrgð á reikningshaldi sveitarfélagsins, stofnana og undirfyrirtækja
- Umsjón með afstemmingum, uppgjörum og framsetningu fjárhagsupplýsinga
- Undirbúningur og gerð ársreikninga í samstarfi við fjármálastjóra, bæjarstjóra og endurskoðendur
- Verkstjórn, handleiðsla og ráðgjöf til starfsmanna fjármála- og greiningarsviðs og forstöðumanna stofnana
- Greining og framsetning fjárhagslegra upplýsinga fyrir stjórnendur
- Þátttaka í fjárhagsáætlunargerð og umbótaverkefnum er varða rekstur sveitarfélagsins
Menntunar- og hæfniskröfur
- Háskólamenntun sem nýtist í starfi
- Reynsla af fjárhagsbókhaldi og reikningsskilum
- Reynsla af greiningu tölulegra upplýsinga
- Þekking á Dynamics 365 Business Central eða sambærilegu kerfi er kostur
- Mjög góð Excel-kunnátta og almenn tölvukunnátta
- Sjálfstæði, skipulagshæfni og nákvæmni í vinnubrögðum
- Góð samskiptahæfni og hæfni til teymisvinnu
- Leiðtogahæfni og áhugi á umbótum og þróun
Allar frekari upplýsingar veitir Jóhann Gunnsteinn Harðarson fjármálastjóri Fjarðabyggðar, í síma 470-9098 eða á netfanginu johann.hardarson@fjardabyggd.is
Umsóknarfrestur er til og með 9. febrúar 2026
