Fjarðabyggð auglýsir starf forstöðumanns Skjala- og myndasafns Fjarðabyggðar laust til umsóknar
Safnið hefur það hlutverk að vinna að söfnun heimilda og halda utanum skjöl og myndir safnsins frá Fjarðabyggð og Skjala- og myndasafni Norðfjarðar.
Safnið hefur fengi til afnot nýtt húsnæði í Neskaupstað í Gamla Lúðvíkshúsinu sem er endurgert frá grunni með nýrri og góðri skjalageymslu.
Leitað er að einstaklingi með brennandi áhuga fyrir varðveislu sagnaarfs sveitarfélagsins.
Forstöðumaður ber ábyrgð á starfsemi safnsins og verkefnum sem tengjast skjalastjórn sveitarfélagsins.
Helstu verkefni:
- Stjórnun starfsemi safnsins og þeirra viðfangsefna sem falla undir.
- Ábyrgð á skjala- og myndasöfnun.
- Ábyrgð á þjónustu safnsins gagnvart viðskiptavinum þess.
- Forvörslu, skráningu og grisjun safnkosts.
- Faglegur stuðningur og umsjón með skjalavörslu.
- Annast framþróun í stafrænum lausnum í skjalamálum.
- Aðstoðar við gerð árlegrar starfsáætlunar fyrir safnið.
- Semur ársskýrslu, greinargerðir og fréttaefni um safnið.
Hæfniskröfur:
- Háskólamenntun á sviði bókasafns- og upplýsingafræða eða sagnfræði er áskilin.
- Þekkingu á lögum, reglum um opinbera skjalavörslu mikilvæg.
- Sérhæfða þekkingu á skjalavörslu er kostur
- Reynsla af stjórnun, skipulagningu og rekstri starfsemi safns er æskileg.
- Reynsla af faglegu starfi skjala- og myndasafns er æskileg.
- Góð tungumálakunnátta ásamt færni til að miðla upplýsingum í töluðu og rituðu máli.
- Góð tölvukunnátta og þekking á samfélagsmiðlum
Starfið gegnir veigamiklu hlutverki sveitarfélagsins í safnamálum. Rík áhersla er lögð á teymisvinnu og þverfaglega vinnu.
Launakjör eru samkvæmt kjarasamningum sveitarfélagsins við viðkomandi stéttarfélag.
Allir einstaklingar, óháð kyni, eru hvattir til að sækja um starfið.
Allar frekari upplýsingar veitir Gunnar Jónsson bæjarritari, í síma 470 9062 eða á netfanginu gunnar.jonsson@fjardabyggd.is
Umsóknarfrestur er til og með 3. desember 2025.
