Leitast er eftir drífandi, hugmyndaríkum og ábyrgum einstaklingum til að starfa með börnum í Fjarðabyggð. Vilt þú taka þátt í starfi öflugs og samheldins hóps starfsmanna Fjarðabyggðar? Þá erum við að leita að þér!
Fjarðabyggð er öflugt og ört vaxandi samfélag sem leggur mikla áherslu á velferð og málefni allra íbúa. Á fjölskyldusviði Fjarðabyggðar er lögð áhersla á þverfaglega vinnu og stuðning starfsmanna í teymisstarfi við úrlausn margþættra verkefna sem tengjast stuðningsþörfum ólíkra einstaklinga jafnt fullorðinna og barna með það markmið að efla lífsgæði og hagsæld þeirra
Um er að ræða annarsvegar stuðningsaðila fyrir barn með sérþarfir
og hinsvegar almennan starfsmann til að starfa með hópi barna.
Markmið starfsins er að bjóða upp á heildstæða og faglega þjónustu þar sem uppeldisgildi frítímastarfs eru höfð að leiðarljósi. Í því felst að skapa umhverfi og aðstæður þar sem hægt er að þjálfa lykilfærni hjá börnum með áherslu á samskiptafærni, félagsfærni, virkni og þátttöku ásamt styrkingu sjálfsmyndar.
Um er að ræða 55% starf og er vinnutími kl. 12:30-16:30.
Helstu verkefni og ábyrgð
- Hjálpar nemendum við að skipuleggja og framkvæma ýmis þroskandi verkefni.
- Gefur nemendum tækifæri til að stunda heilsusamlega hreyfingu og þroskandi leiki jafnt úti sem inni.
- Aðstoðar nemendur við heimanám.
- Aðstoðar nemendur í kaffi- og matartímum.
- Gæta fyllsta öryggis í vinnu með nemendur og forðast þær aðstæður sem reynst geta þeim hættulegar.
Menntunar- og hæfniskröfur
- Menntun sem nýtist í starfi.
- Sjálfstæði í vinnubrögðum.
- Frumkvæði og skipulagshæfni.
- Hæfni í mannlegum samskiptum.
Laun eru samkvæmt kjarasamningi Sambands íslenskra sveitarfélaga og viðeigandi stéttarfélags.
Umsóknarfrestur er til og með 22. október.
Nánari upplýsingar um starfið veitir Laufey Þórðardóttir, sviðstjóri fjölskyldusviðd Fjarðabyggðar laufey.thordardottir@fjardabyggd.is, sími 7724399.
