Grunnskóli Reyðarfjarðar auglýsir eftir framsæknum og metnaðarfullum einstaklingi til að sinna starfi deildarstjóra stoðþjónustu. Deildarstjóri er faglegur leiðtogi og hluti af stjórnendateymi skólans.
Í skólanum eru um 200 börn í 1. - 10. bekk. Skólastarf Grunnskóla Reyðarfjarðar hefur það að markmiði að hlúa að nemendum bæði námslega og félagslega og koma til móts við áhuga þeirra og getu. Í skólanum fer fram metnaðarfullt starf sem er í stöðugri þróun. Kennsluhættir eru fjölbreyttir og vellíðan nemenda í fyrirrúmi. Læsi og leiðsagnarnám skipa stóran sess og þjónusta við nemendur með sérþarfir er öflug. Leitað er að kennurum sem eru reiðubúnir til að ganga til liðs við samhentan hóp starfsfólks með samstarf og samvinnu að leiðarljósi.
Nánari upplýsingar um skólann er að finna á heimasíðu, www.grunnrey.is
Reyðarfjörður er í hjarta Fjarðabyggðar þar sem góðar samgöngur liggja til allra átta. Stutt er í ósnortna náttúru og fjölbreytta afþreyingamöguleika.
Ráðið er í starfið frá og með 1. ágúst 2025.
Helstu verkefni og ábyrgð:
- Skipuleggur og stýrir stoðþjónustu skólans.
- Annast sérkennslu og íslenskukennslu fyrir nemendur með annað móðurmál en íslensku samkvæmt megin markmiðum Aðalnámskrá grunnskóla með hliðsjón af þörfum og þroska nemenda.
- Stuðla að velferð nemenda í samstarfi við foreldra og annað fagfólk.
- Er fagfólki skólans ráðgjafi varðandi námsaðstæður, stuðning og skipulag kennslu.
- Er tengiliður nemenda samkvæmt farsældarlögum
- Skipuleggur og verkstýrir stuðningsfulltrúum og vinnur í náinni samvinnu með sálfræðingum talmeinafræðingum og öðrum sérfræðingum sem koma að málefnum nemenda við skólann.
Hæfniskröfur:
- Leyfisbréf til kennslu á grunnskólastigi, starfsreynsla er æskileg.
- Framhaldsmenntun í sérkennslufræðum er æskileg.
- Lipurð og færni í mannlegum samskiptum ásamt metnaði í starfi.
- Frumkvæði, skipulagshæfni og sjálfstæði í vinnubrögðum.
- Reiðubúin/n að takast á við nýjungar.
- Íslenskukunnátta á stigi C1 skv. Evrópska tungumálarammanum.
Laun eru samkvæmt kjarasamningum KÍ og Sambands íslenskra sveitarfélaga.
Umsóknarfrestur er til og með 22. apríl nk.
Umsóknum skal fylgja greinagott yfirlit yfir nám og störf, leyfisbréf til kennslu, ábendingar um meðmælendur sem og almennar upplýsingar um viðkomandi.
Allir einstaklingar, óháð kyni, eru hvattir til að sækja um starfið.
Nánari upplýsingar veita Ásta Ásgeirsdóttir skólastjóri, asta@skolar.fjardabyggd.is og Svava Gerður Magnúsdóttir aðstoðarskólastjóri, svavagm@skolar.fjardabyggd.is, einnig í síma 470-9200.
