Eskifjarðarskóli leitar eftir umsjónarkennara á yngsta stigi skólaárið 2025-2026. Ráðið er í starfið frá 1. ágúst n.k.
Í Eskifjarðarskóla eru 140 nemendur í 1. til 10. bekk, áhersla er á fjölbreytta kennsluhætti, vellíðan nemenda og góð samskipti. Leitað er að metnaðarfullum og skapandi einstaklingum sem eru tilbúnir að ganga til liðs við samhentan hóp starfsfólks. Í skólanum eru einnig til húsa: tónlistarskólinn, bókasafn bæjarins, elsta deild leikskólans og frístundin.
Einkunnarorð skólans eru: Áræði, færni, virðing og þekking.
Lögð er áhersla á skemmtilegt og skapandi skólastarf, leiðsagnarnám, samvinnu og sameiginlega ábyrgð.
Helstu verkefni og ábyrgðarsvið:
- Annast kennslu nemenda, undirbúning og námsmat í samstarfi og samráði við aðra kennara, skólastjórnendur og foreldra
- Stuðla að velferð nemenda í samstarfi við foreldra og annað fagfólk
- Vinna samkvæmt stefnu skólans og taka þátt í þróunarverkefnum innan hans
Helstu menntunar- og hæfniskröfur:
- Leyfisbréf til kennslu
- Reynsla og áhugi á að starfa með börnum
- Jákvæðni, lipurð og færni í samskiptum
- Faglegur metnaður og frumkvæði
- Góð íslenskukunnátta er skilyrði
Laun eru samkvæmt kjarasamningi Sambands Íslenskra sveitarafélaga og KÍ
Starfshlutfall 100%
Ráðningarform - tímabundin ráðning með möguleika á framtíðar starfi
Umsóknarfrestur er til 22. apríl 2025
Umsóknum skal fylgja greinargott yfirlit um nám og störf, leyfisbréf til kennslu, ábendingar um meðmælendur sem og almennar upplýsingar um viðkomandi.
Allar nánari upplýsingar veitir Sigrún Traustadóttir skólastjóri
sigrun@skolar.fjardabyggd.is eða í síma 470-9152