Ert þú dugmikill einstaklingur með reynslu af stjórnun og kennslu í grunnskólum? Hefur þú brennandi áhuga á því að vinna með börnum? Vilt þú taka þátt í starfi öflugs og samheldins hóps starfsmanna í grunnskólum Fjarðabyggðar? Þá erum við að leita að þér!
Fjarðabyggð er öflugt, fjölkjarna sveitarfélag sem leggur mikla áherslu á velferð og málefni allra íbúa. Í hverjum kjarna Fjarðabyggðar er starfandi grunnskóli sem starfar náið með leik- og tónlistarskóla. Á Fáskrúðsfirði starfa leik-, grunn- og tónlistarskóli undir sama þaki en hvert skólastig hefur eigin stjórnanda. Í Grunnskóla Fáskrúðsfjarðar eru rúmlega 100 nemendur í 1.-10. bekk. Nóg er af lausu húsnæði á Fáskrúðsfirði og í sveitarfélaginu.
Helstu verkefni:
- Ábyrgð á stefnumörkun skólans og gerð skólanámskrár.
- Skipulag náms og kennslu í skólanum og þróun aðferða til innra mats skólans
- Ábyrgð á starfsmannahaldi, ráðningu starfsfólks, frágangi ráðningarsamninga og starfslýsinga.
- Undirbúningur fjárhagsáætlunar og að rekstur skólans sé í samræmi við hana á hverjum tíma.
- Skipuleggur sérfræðiþjónustu og hefur forystu um gerð lögbundinna áætlana.
- Ábyrgð á frístunda og starfsemi þess
- Er næsti yfirmaður umsjónarmanna bókasafnanna
- Hefur forgöngu um samstarf heimilis og skóla.
Menntunar og hæfniskröfur:
- Leyfisbréf til kennslu í grunnskóla.
- Viðbótarmenntun í stjórnun er æskileg.
- Reynsla af rekstri, stjórnun og þróunarstarfi er æskileg.
- Góð málakunnátta (íslenska og enska) og hæfni til að setja fram mál í ræðu og riti.
- Þekking á rekstri, stjórnun og stefnumótun.
- Þekking á undirbúningi og stjórnun funda.
- Þekking á helstu upplýsingakerfum sem notuð eru í skólum Fjarðabyggðar.
Laun eru samkvæmt kjarasamningi Sambands íslenskra sveitarfélaga og viðeigandi stéttarfélags.
Umsóknarfrestur er til og með 27. október 2024 en ráðið verður í starfið frá 1. janúar 2025.
Nafn stjórnenda sem veitir upplýsingar / netfang / símanúmer: Anna Marín Þ. Stjórnandi fræðslumála og skólaþjónustu. anna.thorarinsdottir@fjardabyggd.is sími: 8692679
