Skólaliði við Grunnskóla Reyðarfjarðar

side photo

Um er að ræða 100% starf frá 1. ágúst 2024. Í skólanum eru rúmlega 200 börn í 1. - 10. bekk. Leitað er að einstaklingi sem er reiðubúinn til að ganga til liðs við samhentan hóp starfsfólks þar sem áherslan er lögð á samstarf og samvinnu.

Skólastarf Grunnskóla Reyðarfjarðar miðast að því að efla hvern einstakling í námi og starfi með fjölbreyttum kennsluaðferðum með áherslu á list- og verkgreinar. Nánari upplýsingar um skólann er að finna á heimasíðu, www.grunnrey.is

Reyðarfjörður er í hjarta Fjarðabyggðar þar sem góðar samgöngur liggja til allra átta. Stutt er í ósnortna náttúru og fjölbreytta afþreyingamöguleika.

 

Helstu verkefni:

  • Móttaka nemenda og gæsla í frímínútum.
  • Annast almenna ræstingu á skólahúsnæði.
  • Fylgjast með og aðstoða börn í leik og starfi.
  • Undirbúningur fyrir matmálstíma og skömmtun á mat.

Hæfnikröfur:

  • Sjálfstæði í vinnubrögðum.
  • Hæfni í mannlegum samskiptum.
  • Ábyrgð í starfi og stundvísi.
  • Jákvæðni og sveigjanleiki í samskiptum.

Laun eru samkvæmt kjarasamningum launanefndar sveitafélaga og viðkomandi stéttafélags.

Umsóknarfrestur er til og með 23. júní nk.

Umsóknum skal fylgja greinagott yfirlit yfir nám og störf ásamt ábendingum um meðmælendur sem og almennar upplýsingar um viðkomandi. 

Allir einstaklingar, óháð kyni, eru hvattir til að sækja um starfið.

Nánari upplýsingar veita Ásta Ásgeirsdóttir skólastjóri, asta@skolar.fjardabyggd.is og Guðlaug Árnadóttir aðstoðarskólastjóri, gudlaug@skolar.fjardabyggd.is, einnig í síma 470-9200.